မေတ္တာဖြင့် ပေးကမ်းခြင်း

ဂလန်း(န်)သည် အနီးအနားရှိ လူမဆင်းဘဲ ကားရပ်၍ လှမ်းမှာယူနိုင်သောဆိုင်မှတစ်ဆင့် သူ၏နံနက်ခင်းကော်ဖီကို နေ့စဉ်၀ယ်သည်။ နေ့စဥ်ပင် သူ့ကားနောက်၌ တန်းစီနေသောကားမှပုဂ္ဂိုလ်အတွက် ငွေကြိုချေပေးပြီး ငွေကိုင်မှတစ်ဆင့် “ကောင်းသောနေ့”ဟု နှုတ်ဆက်ဆန္ဒပြုပေးရန် မှာခဲ့သည်။ ဂလန်း(န်) သည် ထိုသူများနှင့် အသိလည်းမဟုတ်၊ အဆက်အသွယ်လည်း မရှိပါ။ သူတို့မည်သို့ တုံ့ပြန်မည်ကိုလည်း သူအလေးမထားပါ။ ဤအပြုအမူလေးက “သူအနည်းဆုံးလုပ်နိုင်သောအရာ”ဟု သူရိုးရှင်းစွာ ယုံကြည်သည်။ သို့သော် တစ်ကြိမ်တွင် သူ၏ ဒေသခံသတင်းစာ၏ အယ်ဒီတာထံပေးစာကဏ္ဍ၌ ရေးသားသူအမည်မသိသည့် စာတစ်စောင်ကို ဖတ်လိုက်ရသောအခါ သူ့လုပ်ရပ်၏သက်ရောက်မှုကို သူသိလာရသည်။ ၂၀၁၇ ခုနှစ် ဇူလိုင်လ ၁၈ ရက် နေ့တွင် သူပြခဲ့သည့် ကြင်နာမှု လက်ဆောင်ကြောင့် သူ့ကားနောက်မှလိုက်ပါလာသူသည် ထိုနေ့နှောင်းပိုင်းတွင် သေကြောင်းကြံစည်မည့် အစီအစဉ်ကို ပြန်လည်စဉ်းစားသုံးသပ်စရာ ဖြစ်ခဲ့ကြောင်း သိရှိခဲ့ရသည်။

ဂလန်း(န်)သည် နောက်ကားမှလူများ၏အသိအမှတ်ပြုမှု မရရှိပါဘဲ သူနေ့စဉ်ပြုနေကျအတိုင်း ပြုခဲ့ပြီး၊ ဖော်ပြပါတစ်ခုတည်းသော…

အလင်းဖြစ်စေ

ကျွန်မသမီးလူမမည်အရွယ်က သူမ မရင်းနှီးသေးသောအရာများကို လက်ညှိုး ထိုးပြ (သို့) ထိကိုင်ခွင့်ပေးပြီး ကျွန်မက နာမည်များကို ပြောပြလေ့ရှိသည်။ သူမ စူးစမ်းနေသောကမ္ဘာကြီးကို နားလည်စေရန်နှင့် ဝေါဟာရကြွယ်ဝစေရန် ဖြစ်ပါ သည်။ ကျွန်မနှင့်ကျွန်မခင်ပွန်းတို့က သမီးလေး၏ပထမဆုံးစကားလုံးသည်မေမေ (သို့) ဖေဖေ ဖြစ်မည်ဟု ထင်ခဲ့မျှော်လင့်ခဲ့ကြသော်လည်း သမီးလေးက ကျွန်မတို့ကို အံ့အားသင့်စေခဲ့သည်။ တစ်ရက်တွင် သမီးလေး၏နှုတ်ခမ်းသေးသေးလေးမှ ‘ဒိုက်’ (dight)ဟု တိုးတိုးရေရွတ်ခဲ့သည်။ သမီးလေးကို ကျွန်မ ပြောလိုက်သည့် ‘လိုက်’(light-အလင်း) ဟူသောစကားလုံးကို သံယောင်လိုက်၍ အသံထွက်မှားခြင်း ဖြစ်ပါသည်။

‘အလင်း’သည် သမ္မာကျမ်းစာတွင် မှတ်တမ်းတင်ထားသည့် ဘုရားသခင်၏ ပထမဆုံးစကားဖြစ်သည်။ ဘုရားသခင်၏ဝိညာဥ်တော်သည် မှောင်မိုက်ဖုံးလွှမ်း၍ အဆင်းသဏ္ဌာန်မရှိ၊ လွတ်လပ်လဟာဖြစ်နေသည့် မြေကြီးအပေါ် လှုပ်ရှားနေစဥ် ဘုရားသခင်က “အလင်းဖြစ်စေ” (က ၁:၃) ဟုအမိန့်တော်ရှိ၍ အလင်းကို ဖန်ဆင်းခဲ့သည်။ အလင်းကောင်းသည်ကို ဘုရားသခင်မြင်တော်မူ၍ ကျမ်းစာမှလည်း ၎င်းကိုသက်သေထူနေပါသည်။…

ဘာတွေလိုအပ်လဲ

ကျွန်မ၏သူငယ်ချင်းက သူမအား မည်သည့်နိုင်ငံရေးပါတီဝင် ဖြစ်သနည်းဟု ယုံကြည်သူ လုပ်ဖော်ကိုင်ဖက်တစ်ဦးက ဘွင်းဘွင်းရှင်းရှင်းမေးခဲ့ပုံကို ပြန်ပြောပြသည်။ ဤသို့မေးသည့် သူ၏ရည်ရွယ်ချက်မှာ လူမှုအသိုင်းအဝန်း၌ ကွဲပြားမှုဖြစ်စေသည့် လက်တလော အမှုအရေးများနှင့်စပ်လျဥ်း၍ သူတို့နှစ်ဦးအနေဖြင့် သဘောထားတိုက်ဆိုင်မှု ရှိမရှိကို ခန့်မှန်းရန် ဖြစ်ကောင်းဖြစ်နိုင်သည်။ သူတို့နှစ်ဦးကြား တူညီသည့်အခြေခံကို ရှာတွေ့ရန် သူမက “ကျွန်မတို့နှစ်ယောက် လုံးက ယုံကြည်သူတွေဖြစ်တဲ့အတွက် ခရစ်တော်၌ ညီညွှတ်မှုကိုပဲ ကျွန်မအာရုံစိုက်မယ်” ဟု ရိုးရှင်းစွာ ဖြေကြားခဲ့သည်။

ရှင်ပေါလုလက်ထက်တွင်လည်း ယုံကြည်သူများသည် အမျိုးမျိုးသောကိစ္စ များကြောင့် ကွဲပြားခဲ့ကြသည်။ မည်သည့် အစားအသောက်များ စားခွင့်ရှိသည်၊ မည်သည့်နေ့များကို သန့်ရှင်းသောနေ့အဖြစ် သတ်မှတ်မည် စသည့်ခေါင်းစဉ်များကြောင့် ရောမမြို့ရှိခရစ်ယာန်များ သဘောထားကွဲလွဲခဲ့ကြသည်။ ‘မိမိစိတ်နှင့် မိမိကိုယ် မည်သည့် ခံယူချက်ကို စွဲကိုင်သည်’ ဖြစ်စေ၊ သခင်ယေရှုအတွက် အသက်ရှင်ခြင်းသည် သူတို့၏တူညီသည့် အခြေခံအုတ်မြစ်ဖြစ်ကြောင်း သူတို့အား ရှင်ပေါလု သတိပေးခဲ့သည် (ရော…

ကျွန်ုပ်တို့နည်းတူ၊ ကျွန်ုပ်တို့အတွက်

သူ့ ရင်ဘတ်၊ ဝမ်းဗိုက်နှင့် ဘယ်လက်မောင်းရှိ မွေးရာပါအမှတ်တို့ကြောင့် မဝံ့မရဲ ဖြစ်နေ၍ သားဖြစ်သူက ရေကူးရန် ရှပ်အင်္ကျီကို မချွတ်လိုကြောင်း ဒဲရစ် သတိပြုမိသည်။ သူ့သားကိုကူညီရန် စိတ်ပိုင်းဖြတ်လျက် သူ့ကိုယ်ပေါ်၌ သူ့သားနှင့် တစ်ထပ်တည်းတူသည့် အမှတ်အသားတက်တူးထိုးခဲ့သည်။ တက်တူးထိုးသည့် အချိန်က ကြာပြီး နာကျင်လှသည်။

ဒဲရစ်၏သူ့သားအပေါ်ထားသည့် ချစ်ခြင်းက ဘုရားသခင်က သူ့သားသမီး များအပေါ်ထားသော ချစ်မေတ္တာကို ထင်ဟပ်ပြနေသည်။ ဘုရားသားသမီးများဖြစ်သည့် ကျွန်ုပ်တို့သည် “အသွေးအသား” (ဟေဗြဲ ၂:၁၄) ရှိခြင်းကြောင့် သခင်ယေရှုသည် ကျွန်ုပ်တို့ကဲ့သို့ လူ၏အသွင်ယူကာ “အသွေးအသားကို ဆောင်ယူတော်မူ၏” (:၁၅)။ ကျွန်ုပ်တို့ ဘုရားသခင်နှင့် ရန်ငြိမ်းပြေလည်စေရေး သခင်သည် “မိမိညီအစ်ကို(ကျွန်ုပ်)တို့နှင့် လုံးလုံးတူရသော အကြောင်းရှိ၏” (:၁၇)။

ဒဲရစ်က သား၏မဝံ့မရဲ ရှိုးတိုးရှန့်တန့်ဖြစ်နေသည့်စိတ်ကို အောင်နိုင်အောင် ကူညီလိုသည့်အတွက် သား၏ပုံစံ“ကဲ့သို့” သူ့ကိုယ်ကိုပြုပြင်ခဲ့သည်။ ကျွန်ုပ်တို့၏ ကြီးမားလှသည့်ပြဿနာဖြစ်သည့် သေခြင်းတရား၏ကျေးကျွန်ဘဝကို…

အမြဲတမ်းလိပ်စာ

မကြာသေးမီက ကျွန်ုပ်တို့သည် အိမ်အဟောင်းနှင့် မလှမ်းမကမ်းရှိ အိမ်အသစ်သို့ ပြောင်းခဲ့သည်။ မလှမ်းမကမ်းဆိုသော်လည်း၊ ငွေကြေးလွှဲပြောင်းမှု အချိန်ဇယားကြောင့် ကျွန်ုပ်တို့၏ပစ္စည်းများအားလုံးကို ရွေ့ရှားထရပ်ကားပေါ်သို့ ပြောင်းရွေ့ရန် လိုအပ်သေးသည်။ အရောင်းနှင့်ဝယ်ယူမှုကြား ကာလတွင်၊ ကျွန်ုပ်တို့၏ ပရိဘောဂများကို ထရပ်ကားပေါ်ထားပြီး ကျွန်ုပ်တို့မိသားစုမှာ ယာယီတည်းရန်နေရာကို ရှာဖွေခဲ့ရသည်။ ထိုအတောအတွင်း၊ နေထိုင်ရာအိမ်မှ ရွှေ့ပြောင်းရသော်လည်း ကျွန်ုပ်အချစ်ဆုံးသူများဖြစ်သော ကျွန်ုပ်၏မိသားစုနှင့် အတူရှိခြင်းကြောင့် ရိုးရိုးလေးပြောရလျှင် နေသားကျသော “အိမ်”၏ ခံစားမှုရသကို ရှာဖွေတွေ့ရှိရသဖြင့် အံ့အားသင့်ခဲ့ရသည်။

ဒါဝိဒ်၏ဘဝ တစ်စိတ်တစ်ပိုင်းတွင် နေထိုင်စရာအိမ်ဟူ၍ သတ်သတ်မှတ်မှတ် မရှိခဲ့ပါ။ ရှောလုမင်းလက်မှလွတ်အောင် ပြေးလွှားရသည့်ဘဝဖြင့် သူအသက်ရှင်ခဲ့ရသည်။ ရာဇပလ္လင်ကိုဆက်ခံရန် ဘုရားသခင် ခန့်အပ်ထားသောကြောင့်၊ ဒါဝိဒ်အား အန္တရာယ်အဖြစ် တွေးဆပြီး သတ်ဖြတ်ရန် ရှောလု ရှာကြံခဲ့သည်။ ဒါဝိဒ်သည် မိမိအိမ်မှထွက်ပြေးပြီး ခိုလှုံနိုင်သောနေရာတိုင်း၌ အိပ်ခဲ့ရသည်။ သူ့၌အဖော်အသင်းရှိသော်လည်း ဒါဝိဒ်၏အပြင်းပြဆုံးဆန္ဒမှာ ‘ထာဝရဘုရား၏ အိမ်တော်၌နေ’ကာ ကိုယ်တော်နှင့် ထာဝရမိတ်သဟာယဖွဲ့လျက်…

ဘုရားသခင်၏ကောင်းသောကော်

မကြာသေးမီက အမေရိကန်နိုင်ငံရှိ Penn State (ဖန်းစတိတ်)တက္ကသိုလ်မှ သိပ္ပံပညာရှင်များသည် ကပ်အား အလွန်ကောင်းပြီး ပယ်ဖျက်နိုင်သော ကော်အသစ်တစ်မျိုးကို တီထွင်ခဲ့သည်။ ၎င်းတို့၏ဒီဇိုင်းသည် ခြောက်သွေ့သောအခြေအနေများတွင် မာပြီး စိုသောအခါ ပျော့သွားတတ်သည့်ခရု၏ ချွဲကျိကျိအနှစ်ကို နမူနာယူကာ တီထွင်ထားခြင်းဖြစ်သည်။ ဆန့်ကျင်ဘက်သဘာဝရှိသော ခရု၏ချွဲကျိကျိအနှစ်သည် ပူ၍စိုထိုင်းသောအခြေအနေတွင် ခရုများလုံခြုံ လွတ်လပ်စွာသွားနိုင်ရန်နှင့် အန္တရာယ်ရှိမည့်လှုပ်ရှားမှုမျိုးတွင် မိမိပတ်ဝန်းကျင်၌ လုံခြုံစွာတွယ်ကပ်နေရန် ထိန်းပေးသည်။

သဘာဝတရားမှတွေ့ရှိရသော ချွဲကျိကျိအနှစ်ကို သုတေသီတို့ အတုယူတီထွင်ခြင်းက သူ၏လေ့လာတွေ့ရှိမှုနှင့်စပ်လျဥ်း၍ ပြောပြသည့် သိပ္ပံပညာရှင် Johannes Kepler (ရိုးဟားနက်စ်ခက်ပလာ)၏ သရုပ်ဖော်ချက်ကို ဆင်ခြင်မိစေသည်။ သူသည် “ဘုရားသခင် သူ့အား ဂရုစိုက်မှုအပေါ် ဆင်ခြင်တွေးတောခြင်းဖြစ်သည်” ဟုပြောခဲ့သည်။ ဘုရားသခင်သည် မြေကြီးနှင့် မြေကြီး၌ရှိသော အပင်များ (က ၁:၁၂)၊ ပင်လယ်သတ္တဝါများအားလုံးနှင့် ပျံတတ်သောငှက်မျိုးများ (:၂၁)၊ “မြေပေါ်မှာတွားတတ်သော တိရိစ္ဆာန်မျိုးအပေါင်း” (:၂၅)နှင့် “မိမိပုံသဏ္ဌာန်နှင့်အညီ လူကို”ဖန်ဆင်းကြောင်း…

လှပသောခြေဖဝါး

၁၉၉၄ ခုနှစ်တွင် John Nash (ဂျွန်နက်ရှ်)၏ သင်္ချာဘာသာရပ်ဆိုင်ရာ စွန့်ဦးရှေ့ဆောင်သည့်အလုပ်တစ်ခုမှာ အသိအမှတ်ပြုခံရပြီး သူသည် စီးပွားရေးဆိုင်ရာ နိုဘယ်လ်ဆု ချီးမြှင့်ခံခဲ့ရသည်။ အားပြိုင်မှုနှင့် စီးပွားဘက်ချင်းပြိုင်ဆိုင်မှု၏ ‌လှုပ်ရှားမှုသိပ္ပံကို သိနားလည်လျက် ကမ္ဘာတစ်ဝန်းရှိ စီးပွားရေးလုပ်ငန်းရှင်များသည် ထိုကတည်းကပင် သူ၏ညီမျှခြင်းဆိုင်ရာသဘောတရားများကို အသုံးပြုခဲ့ကြသည်။ သူ့ဘဝအကြောင်း ရေးသားထားသောစာအုပ်ရှိပြီး ရုပ်ရှင်လည်း ရိုက်ကူးခဲ့သည်။ သူ့အား “လှပသောစိတ်” ရှိသူအဖြစ် ရည်ညွှန်းထားပါသည်။ သူ့ဦးနှောက်ဉာဏ်ရည်၏ အားကျဖွယ် ဆွဲဆောင်မှုတစ်ခုခုရှိခြင်းကြောင့်မဟုတ်ဘဲ ဦးနှောက်က ထုတ်ဖော်ခဲ့သောအမှုအရာအတွက်ကြောင့် ထိုသို့ရည်ညွှန်းထားခြင်းဖြစ်သည်။

ဓမ္မဟောင်းကျမ်း၏ပရောဖက်တစ်ပါးဖြစ်သော ဟေရှာယသည် ခြေထောက် ကို ဖော်ပြရန်အတွက် “တင့်တယ်” ဟူသောစကားကို အသုံးပြုထားသည်။ မြင်ရသော ရုပ်ရည်သွင်ပြင်ကြောင့် မဟုတ်ဘဲ ၎င်းတို့လုပ်ဆောင်ခဲ့သည့်အရာ၌ လှပမှုကို သူတွေ့ခဲ့ခြင်းကြောင့်ဖြစ်သည်။ “ဝမ်းမြောက်စရာသတင်းကို ... ပြောသောသူ၏ခြေတို့သည် တောင်ပေါ်မှာ အလွန်တင့်တယ်လှစွတကား” (ဟေရှာ ၅၂:၇)။ ဘုရားသခင်အပေါ် သစ္စာစောင့်သိမှုမရှိခြင်းကြောင့် ဗာဗုလုန်တိုင်းပြည်တွင် အနှစ်…

ဖန်ဆင်းခြင်း၏အံ့သြဖွယ်

အမေရိကန်နိုင်ငံ၊ အလာစကာပြည်နယ်ရှိ “Root Glacier” (ရေခဲမြစ်၏အမြစ်) ရေခဲပြင်လမ်းကြောတွင် တင်းမ် တောင်တက်ခဲ့စဥ် တစ်ခါမှမမြင်ဖူးခဲ့သောအရာကို မြင်ခဲ့ရသည်။ ရေခဲမြစ်များအကြောင်းကို တင်းမ် ထဲထဲဝင်ဝင်လေ့လာခဲ့ဖူးသော်လည်း ယခုမြင်တွေ့ရသော မြောက်များစွာသော ရေညှိလုံးသေးသေးများက သူနှင့် အစိမ်းသက်သက်ဖြစ်နေသည်။ ၎င်းကို နှစ်အတန်ကြာလေ့လာခဲ့ပြီးနောက် တင်းမ်နှင့် သူ၏လုပ်ဖော်ကိုင်ဖက်များက ယင်း“ကြွက်ပုံရေညှိ”များသည် သစ်ပင်များပေါ်မှရေညှိများနှင့်မတူ၊ ကပ်ညှိမနေဘဲ၊ ပိုထူးဆန်းသည်မှာ သိုးအုပ်၊ ငှက်အုပ်များကဲ့သို့ အစုလိုက် ရွေ့လျားကြသည်ကို လေ့လာတွေ့ရှိကြသည်။ အစတွင် သူတို့က ယင်းရေညှိများသည် လေနှင့်လွှင့်သွားခြင်း၊ တောင်အောက်သို့ လှိမ့်သွားခြင်းဟု ထင်မိပြီး ထိုခန့်မှန်းချက်က မဖြစ်နိုင်ကြောင်း လေ့လာတွေ့ရှိချက်က ပြနေသည်။

ထိုရေညှိလုံးများ မည်ကဲ့သို့ ရွေ့လျားသည်ကို တိတိကျကျရှာဖွေတွေ့ရှိခြင်းတော့ မရှိသေးပါ။ ဤကဲ့သို့ လျှို့ဝှက်ဆန်းကြယ်မှုသည် ထာဝရဘုရား၏ ဖန်ဆင်းခြင်းကို ထင်ဟပ်စေသည်။ ထာဝရဘုရား၏ ဖန်ဆင်းခြင်းတွင် မြေကြီးကို ကောင်းချီး ပေးကာ “သစ်သီးမျိုးကို ဖြစ်စေ”သည်ဟုဆိုရာတွင် အပင်နှင့်…

ဘုရားသခင်ထံတော်မှ ပုန်းရှောင်ခြင်း

မျက်စိများကိုပိတ်လျက် ကျွန်မစပြီး အမှတ်စဉ်ရေတွက်လိုက်သည်။ ကျွန်မ၏ တတိယတန်း အတန်းဖော်များက ပုန်းဖို့နေရာရှာရန် စာသင်ခန်းထဲမှ ပြေးထွက် သွားကြသည်။ အချိန်များစွာကြာသည်ဟု ခံစားမိသည်အထိ ရှိသမျှ အံဆွဲ၊ သေတ္တာ၊ ဗီရိုများတို့ကို ပိုက်စိပ်တိုက် လိုက်လံရှာပြီးလည်း ကျွန်မ၏သူငယ်ချင်းတစ်ဦးကိုမူ ရှာမတွေ့သေးပါ။ နောက်ဆုံး မျက်နှာကျက်၌ ချိတ်ဆွဲထားသည့် ပန်းအိုးအနောက်မှ သူခုန်ထွက်လိုက်မှ ရယ်စရာကောင်းလှသည်ဟု ကျွန်မခံစားလိုက်ရသည်။ အမှန်တွင် သူ့ခေါင်းတစ်လုံးသာ ပန်းအိုးအနောက်တွင် ကွယ်နေပြီး သူ့တစ်ကိုယ်လုံးမှာ တစ်ချိန်လုံးသိသာထင်ရှားစွာ ပေါ်နေသည်။

ဘုရားသခင်သည် အရာခပ်သိမ်းကို သိရှိသည့်ဘုရားဖြစ်သည့်အလျောက် အာဒံနှင့်ဧဝတို့က သူ့ထံပါးမှပုန်းကွယ်ရန် ကြိုးစားသော်လည်း (က ၃:၈) သူတို့မှာ အမြဲပင် ထင်ရှားစွာပေါ်နေသည်။ သို့သော် သူတို့သည် တူတူပုန်းတမ်း ကစားနေခြင်း မဟုတ်။ ဘုရားသခင်က မစားနှင့်ဟု မှာထားသည့်အသီးကို စားပြီး သူတို့အမှားလုပ်မိကြောင်း မိမိကိုယ်ကို ရုတ်ခြည်းသိရှိကာ ရှက်ကြောက်ခြင်းကို ခံစားရသည့်အတွက် ပုန်းနေခြင်းဖြစ်၏။…

အနီးသို့ ချဥ်းကပ်ပါ

ကိုရိုနာဗိုင်းရပ်စ်ဖြစ်ပွားနေစဥ် ဘဏ်အာမခံသေတ္တာအတွင်းမှ ပစ္စည်းတစ်စုံတစ်ခုကို ပြန်လည်ထုတ်ယူရန် ယခင်ကထက် ပိုများသည့် လုပ်ငန်းစဥ်အဆင့်ဆင့်ကို လုပ်ဆောင်ရန် လိုအပ်သည်။ ယခုအခါ ဘဏ်သွားရန်အတွက် ရက်ချိန်းယူရသည်။ ရက်ချိန်းနေ့တွင် ဘဏ်သို့ရောက်လျှင် အထဲသို့ဝင်ခွင့်ရရန် ဖုန်းဖြင့် အကြောင်းကြားရပြီး မှတ်ပုံတင်နှင့်လက်မှတ်ကို ပြရသည်။ တာဝန်ကျဘဏ်ဝန်ထမ်း လာခေါ်မည့်အချိန်ကို စောင့်နေရသည်။ အတွင်းသို့ရောက်သောအခါ သံသေတ္တာအတွင်းရှိ ကျွန်ုပ်လိုချင်သောအရာကို မတွေ့မီအထိ လေးလံသောတံခါးများ ထပ်မံသော့ခတ်ထားသည်။ ညွှန်ကြားချက်များကို ကျွန်ုပ်မလိုက်နာပါက အထဲသို့မဝင်ရောက်နိုင်ပါ။

ဓမ္မဟောင်းကျမ်းတွင် အသန့်ရှင်းဆုံးနေရာဟုခေါ်သော တဲတော်သို့ ဝင်ရောက်ရန် ဘုရားသခင်ချမှတ်သည့် တိကျသော လုပ်ထုံးလုပ်နည်းများရှိသည် (ထွ ၂၆:၃၃)။ သန့်ရှင်းရာဌာနနှင့် အသန့်ရှင်းဆုံးနေရာကို ပိုင်းခြားသော အထူးကုလားကာနောက် “ဒုတိယတဲတော်အတွင်းသို့ ယဇ်ပုရောဟိတ်မင်း တစ်ပါးတည်းသာ ... တစ်နှစ်လျှင်တစ်ခါတည်းသာ ဝင်ရ၏” (ဟေဗြဲ ၉:၇)။ အာရုန်နှင့် သူ၏နောက်လိုက် ယဇ်ပုရောဟိတ်မင်းများသည် မဝင်ရောက်မီ ယဇ်ပူဇော်မည့်အရာများ ယူဆောင်ရမည်၊ ရေချိုးရမည်၊ သန့်ရှင်းစင်ကြယ်သောအဝတ်များ…